📖 TBS කඩේ — භාවිත උපදෙස්
✕

🚀පටන් ගන්න

ෆෝන් එකේ TBS කඩේ විවෘත කරලා Home screen එකට දාන්න (⚙ තව) ඔබන්න. එතකොට ඇප් එකක් වගේ විවෘත වෙනවා.

ඔබේ ජංගම අංකය සහ මුරපදය දාලා ඇතුල් වෙන්න. අමතක වුණොත් මුරපදය අමතකද? ඔබන්න — SMS එකකින් කේතයක් එවනවා.

💬Chat — ප්‍රධාන ක්‍රමය

වුණ දේ ඔබ කියන විදියටම ලියන්න හෝ කියන්න (🎤). ඇප් එක කාඩ් එකක් පෙන්නනවා. බලලා, ඕන දෙයක් වෙනස් කරලා ✓ හරි ඔබන්න. හරි ඔබනකම් ගිණුම්වලට කිසිම දෙයක් යන්නේ නැහැ.

වැරදුණාද? undo ලියන්න — ඔබේ අන්තිම ඇතුළත් කිරීම ඉවත් වෙනවා.

📷සැපයුම්කරුගේ බිලේ ෆොටෝ

📷 ඔබලා බිලේ ෆොටෝ එකක් ගන්න. Plus නම් සැපයුම්කරු, බිල් අංකය සහ මුළු මුදල ඇප් එකම කියවනවා. ණයට (පස්සේ ගෙවන්න), සල්ලි හෝ චෙක් තෝරලා හරි ඔබන්න. Lite නම් මුළු මුදල ඔබම ලියන්න.

📒ණය සහ චෙක්

හැම පාරිභෝගිකයෙකුටම සහ සැපයුම්කරුවෙකුටම ගිණුමක් තියෙනවා. මට ණය කවුද හෝ මම ණය කීයද අහන්න, නැත්නම් නම ලියන්න (පෙරේරා).

චෙක්: චෙක් අහන්න. බැංකුවෙන් පාස් වුණාම ✓, ආපසු ආවොත් ✕ ඔබන්න — එතකොට ආයෙත් ණය වෙනවා. චෙක් දිනයට chat එකෙන් මතක් කරනවා.

📈බඩු සහ ලාභය

හැම බඩුවක්ම ගණන් කරන්න ඕන නැහැ. ලාභය හදන්නේ ඔබේ ලාභ ප්‍රතිශතයෙන් (⚙ තව, මුලින් 15%). මාසෙකට සැරයක් බඩුවල වටිනාකම ආසන්නව ගණන් කරලා බඩු වටිනාකම 180000 ලියන්න — ලාභය හරියටම එනවා.

📊වාර්තා, WhatsApp, PDF

📊 වාර්තා: ලාභය, විකුණුම්, වියදම්, ණය අය, ඔබ ගෙවන්න ඕන අය, සල්ලි සහ බැංකුව, චෙක්, බඩු, අයිතම, දින පොත — අද, මේ මාසේ, පසුගිය මාසේ හෝ මේ අවුරුද්ද. Chat එකෙනුත් අහන්න පුළුවන්: අද ලාභය, මේ මාසේ වියදම්.

📤 WhatsApp වාර්තාව පින්තූරයක් විදියට යවනවා. 🖨 PDF පිටුවක් විවෘත කරනවා — Print → Save as PDF තෝරන්න.

🧾බිල් තිරය

බිල් දෙන කඩවලට. ඔබේ අයිතම එක සැරයක් දාන්න (🛒 මගේ අයිතම: නම, මිල, බාකෝඩ්, පිරිවැය). ඊට පස්සේ 📷 ස්කෑන් කරන්න, කේතය හෝ නම ලියන්න, නැත්නම් අයිතමය ඔබන්න. − / + න් ප්‍රමාණය වෙනස් කරලා, වට්ටම දාලා, සල්ලි / 💳 / ණය තෝරලා බිල සුරකින්න ඔබන්න. විකුණුම ගිණුම්වලට ඉබේම යනවා.

පාරිභෝගිකයාගේ ජංගම අංකය දැම්මොත් බිල SMS එකකින් යනවා. සුරැකුවාට පස්සේ 🖨 ප්‍රින්ට් කරන්න හෝ 💬 WhatsApp කරන්නත් පුළුවන්. පරණ බිල් 🧾 මෑත බිල් වල තියෙනවා.

🖨බ්ලූටූත් ප්‍රින්ටරය

58 mm සහ 80 mm පොඩි බ්ලූටූත් තාප ප්‍රින්ටර් එක්ක වැඩ කරනවා (උදා: MPT-II, PT-210, RPP02). Android ෆෝන් එකක Chrome පාවිච්චි කරන්න.

  1. ප්‍රින්ටරය on කරන්න. ෆෝන් එකේ Bluetooth සහ Location on කරන්න.
  2. ⚙ තව → 🖨 බ්ලූටූත් ප්‍රින්ටරය → ප්‍රින්ටරය සම්බන්ධ කරන්න → ඔබේ ප්‍රින්ටරය තෝරන්න.
  3. කඩදාසි පළල (58 / 80 mm) තෝරලා පරීක්ෂණ ප්‍රින්ට් ඔබන්න.
  4. හැම බිලක්ම සුරකින විට ප්‍රින්ට් වෙන්න ඕන නම් ඒ කොටුව ටික් කරන්න.

සිංහල සහ දෙමළ හරියටම ප්‍රින්ට් වෙනවා. iPhone වලට මේ ප්‍රින්ටර් සම්බන්ධ කරන්න බැහැ — 🖨 ප්‍රින්ට් ඔබුවාම ප්‍රින්ට් කරන්න හෝ PDF විදියට සුරකින්න පිටුවක් එනවා.

👥සේවක ලොගින්

අයිතිකරු ⚙ තව → 👥 පරිශීලකයෝ තුළ සේවකයෝ එකතු කරනවා: නම, ජංගම අංකය, මුරපදය සහ කරන්න පුළුවන් දේ.

හැමෝටම වෙනම chat එකක් තියෙනවා, කවුද දැම්මේ කියලා ගිණුම්වල පේනවා. කෙනෙක් අයින් වුණාම ලොගින් එක අයින් කරන්න — එයා දාපු දේවල් තියෙනවා. ලොගින් ගණන ඔබේ සැලැස්ම අනුව.

⏳සැලසුම් සහ ගෙවීම

අලුත් කඩයකට Plus නොමිලේ දින කීපයක් ලැබෙනවා. ⚙ තව → ගාස්තුව තුළ ඉතුරු දින පේනවා. Lite හෝ Plus ඔබලා කාඩ් එකෙන් හෝ බැංකු මාරුවෙන් ගෙවන්න — මුදල ලැබුණාම ඉබේම අලුත් වෙනවා.

කාලය ඉවර වුණත් සියල්ල බලන්න පුළුවන්, හැබැයි ගෙවනකම් අලුත් දේ දාන්න බැහැ.

🔒ආරක්ෂාව

ඔබේ ගිණුම් අපේ සර්වර් එකේ, හැම රාත්‍රියකම backup වෙනවා. ෆෝන් එක නැති වුණාද? අලුත් ෆෝන් එකෙන් ඇතුල් වෙන්න. මුරපදය හෝ SMS කේතය කාටවත් කියන්න එපා — අපි කවදාවත් අහන්නේ නැහැ.

උදව් ඕනද? අමතන්න 075 031 0930